HELP - John Griffith (Harlech) Jones 1870 - 1946

[Blaenau45]

Fy hen Daid ar ochr fy Nhad oedd John Harlech.  Gwn iddo gael ei eni yng nghyffiniau Harlech ond tra'n gweithio yn y chwarel yn Nant Gwrtheyrn y cyfarfuodd efo fy Nain, Jane Ann Griffith. Bu iddynt briodi yn ardal Pwllheli ym 1890 a cawsant 13 o blant i gyd er y bu i ddau ohonynt farw'n ifanc.
John Jones oedd enw Tad John Harlech ... felly gellwch ddychmygu pa mor anodd ydyw darganfod ei gyndadau!  Nid wyf hyd yn oed yn gwybod beth oedd enw ei Fam.
Mae John Harlech a Jane ei wraig a Margiad Ann (fy Nain) wedi eu claddu yn y fynwent yn Llithfaen.
Os oes yna rhywun a all roi unrhyw wybodaeth am y teulu yma, buaswn yn ddiolchgar iawn.
Gyda diolch

[hanes teulu]

FreeBMD - Priodas
John Jones, Mar 1889, Pwllelhi, 11b 538. Ar yr un tudalen Jane Griffiths.

Cyfrifiad 1891 (RG12  4654  135  6)
John Griffith Jones, Head, Marr, 22, General Labourer, b. Llanbedr
Jane Ann Jones, Wife, Marr, 22, b. Pistyll
Address 12 Sea View Terrace, Pistyll, Portnant, Nevin

Cyfrifiad 1901 (RG13  5267  133  18)
John Jones, Head, Marr, Settquarry Rockman, b. Ynyscynhaiarn
Jane A Jones, Wife, Marr, 31, b. Pistyll
John S, Son, 9, b. Pistyll
Robert, Son, 8, b. Pistyll
Elizabeth M Jones, Dau, 6, b. Pistyll
Jane Jones, Dau, 3, . Pistyll
Margaret A Jones, Dau, 1, b. Pistyll
Address 12 Seaview Terrace

Yw hwn y teulu?
cofion cynnes 
 

[Blaenau45]

Ia, hanes teulu, dyma'r teulu.
A ydych yn gwybod rhywbeth mwy am gyndadau John Griffith Jones os gwelwch yn dda?
Gyda diolch

[Blaenau45]

O Harlech yr oedd John Griffith Jones yn dod, heb os.  Gwn fod yr ardal Harlech yn dod o dan Llanbedr, ond beth am Ynyscynhaiarn?  Yr oeddwn yn meddwl mai o gwmpas Porthmadog oedd hwn - felly'n methu deall pam fod Ynyscynhaiarn yn dangos ar y cyfrifiad yn 1901?
Yng nghyfrifiad 1911 mae'n ymddangos wedi ei eni yn "Merioneth Llsarleck" (Harlech, mwy na thebyg!)
Gyda diolch Hanes Teulu

[hanes teulu]

Na'dw - sownd ar 1891!!

Pa fath o 'waith 'wnaeth John Jones, tad John Griffith? Dych chi wedi anfon am tystysgrif priodas John a Jane? Mae 'na angen am bob tamaid o 'wybodaeth i symud ymlaen.

O'n i wedi dod iddyn nhw ar y Cyfrifiad 1911 - mae John yn gweithio ar fferm erbyn hyn. Ganed Harlech. Ganed Jane Portnant.

Ynyscynhaiarn - ym Mhortmadoc, ardal o gwmpas gorsaf y trennau dw i'n meddwl (yn ôl Google).

cofion cynnes
Rick

[Blaenau45]

Mae Tystysgrif priodas John a Jane gennyf - "miller" oedd John Jones, tad John Harlech a'r tystion oedd Ellis Jones a Kate Griffith.
Mewn tyddyn fferm "Ty Canol" yn Nant Gwrtheyrn y ganwyd Jane Ann (Griffith) - felly mae'n debyg mai yno yr oedd John Harlech yn gweithio fel ffarmwr cyn iddo briodi Jane, er mai "miner" yw ei swydd-ddisgrifiad ar y dystysgrif briodas.
Yr wyf wedi darganfod 2x John Griffith Jones wedi eu geni o dan "Ffestiniog" sy'n cynnwys Llanbedr/Harlech a'r cylch. John Jones yw tad y ddau, a Jane yw Mam y ddau! Mae un wedi ei eni ym Mhorthmadoc, a'r ail yn Nhremadoc -  diddorol mai "miller" yw swydd-ddisgrifiad tad hwn.  Ond nid wyf yn tybio bod yr un o'r ddau yn gywir.  Yn yr hen Sir Feirionnydd yr oedd Harlech (Llandanwg / Llanbedr / Llanfair / Llandecwyn / Llanfihangel y Traethau / Talsarnau ayyb) a Thremadog a Phorthmadog yn yr hen Sir Gaernarfon.  Yr wyf yn teimlo'n weddol sicr mai o dan yr hen Sir Feirionnydd y bydd y manylion. Beth yw eich barn chi?
Unrhyw beth y gallwch ddarganfod, byddaf yn ddiolchgar iawn.
Nora

[hanes teulu]

O'n i wedi dod o hyd i Jane cyn iddi hi phriodi â John.

Yn annffodus, ynglŷn â lle ei enedigaeth dyw John ddim yn gyson -  h.y. 1891 Llanbedr, 1901 Ynyscynhaiarn a 1901 Harlech. A mae Ynyscynhaiarn yn mor benodol.

I ryw reswm dw i'n cael n'nenu at y canlynol (sa i'n gallu esbonio pam)-
1881 RG11  5553  50  18
Cathrine Jones, Head, Single, Laundress, b. Ynyscynhaiarn
John Jones, Son, 2, b. Penmorfa
Ellis Jones, Nephew, b. Penmorfa.
Cyfeiriad Tyn Lon, Penmorfa
Dyw oedran John ddim yn hollol gywir a dyma nhw 1871 - RG10  5700  45  9 


Fel arall, beth am (FreeBMD)
John Griffith Jones, Sep 1869, Festiniog, 11b  447
John Griffith Jones, Sep 1869, Festiniog, 11b  449

Beth bynnag, cydymdeimladau a phob lwc
Rick

Fi, dw i'n hel y cyfenw "Oxenham" - dyna 'wahaniaeth.   

[pinot]

Fallai byddai'n help ichi wybod, Nora, fod ardal gofrestru Ffestiniog yn ymestyn (ers talwm, beth bynnag) ymhell tu hwnt i ffiniau Sir Feirionnydd i mewn i Sir Gaernarfon, sydd yn medru camarwain rhywun.
                                        Pinot

[elbac]

O dan Llandanwg yr oedd Harlech